退休所需資金

滙豐每季都會公佈退休策劃指標，幫你預算吓退休要使幾錢。不過退休都有唔同生活方式，有人鍾意平平淡淡，亦有人捱完半世想嘆世界。

滙豐就幫你計咗 4 種風格，分別係「基本」、今季新增嘅「簡約」、「舒適」同「豐盛」。以二人家庭為例，每月開支順序分別為11,220元、16,515元、28,340以及49,450元。

以住公屋嘅「基本」為例，食物佔總開支比例達五成，每月二人計已經要使 6,660元，消閒娛樂只係預你使780元；相比起「豐盛」模式，如果消閒娛樂預算到5,980元，計埋請外傭、養車等等消費，唔怪得要月使近5萬元。

滙豐香港退休金主管葉士奇就話，若果只計及基本MPF供款，無論係邊種風格，打工仔仍要額外儲多20萬至620萬元，先夠用應付日後退休開支，所以一定要預早準備。退休儲蓄講求長遠投資，如按每月 5 萬開支, 1 年要 60萬, 如 6% 回報計, 退休所需資金最少 1000萬, 大家一定要努力!